WETWO WITIKAGA ATIA?

Author-Macharia wa Wen.

Riria mundu eetwo, etikaga ari ta ruri rwa gwathikira uria wamwita, kuga ati niategeire matu make uhoro uria ekuheo ni uria wamwita. Uu nitakuga ,nionanagia gitio ari na nyota ya uhoro uria ekuheo.

Mundu etagwo akienda kwiruo undu uria abatairio ni kumenyithio, kana akiurio kiuria.  Mwitanire na mwitikire ni maundu meri ngurani. Mwitani no etane na winyihia kuga ati mwitiki nake etikaga na winyihia. Oho mwitani no etane aguthukite, uguo naguo nitakuga mwitiki etikaga aguthukite. Ndirenda kuga uria witanaga uguo niguo witikagagwo.

Ungita mundu agwitike na rung’athio, niumenyaga wega ati ona ndeto iria ukwendaga kumuhe eguciamukira o ang’athitie. Ungita mundu ung’athitie, ndugeterere witikwo gia thayu. Ugwitikwo ung’athiirio. Uguo niguo kuri.

Mundu uria witaga uria ungi na winyihia munene, niakukagirio na winyihia munene ota ucio. Nacio ndeto ciake ikamukirwo na winyihia oro ucio. Na niahekaga gitio. Wakorwo ni kiuria ekuragia, niacokagirio na njira njega. No uria witanaga na maruru maingi, oria kiuria, anja ya kiuria kiu ikoragwo ihana haaro. Ona kungituika niyo anja ya uria ekuendaga.

Ngai eta Samueli, amwitaga na winyihia munene muno. Na nokio Samueli ndakinyire ha gwitika na marakara. Niaheaga mugambo wa mumwiti gitio. Ona etwo maita matatu, ndetikire na marakara ati niarakuo wana. Uguo niguo tugaga ati niturakuo waana. Aca. Samueli etikire na winyihia munene ma. Niaheire mugambo ucio gitio na akiuga,’ndihaha njetereire kiria ukunjira. Wee murata wakwa wetuo witikaga atia?

Ngai niatwitaga na mithemba miingi. Ni kuri amwe aitu aria metitwo niguo matungatire Ngai ta ahunjia. Amwe nitwitagwo ta aciari, amwe ta aini, angi ta atungati a wira wa Ngai, na mangi maingi.

Ngurani ikoragwo na uria twitikaga. Samueli etwo , etikire akiuga ii ndi haha Mwathani njetereire kiria ukunjira. Wee ungietikire atia? Thiini wa aria metitwo matuike atungatia awira wa Ngai, nimetikaga na aria metikaga ta Samueli nimakoragwo na gitio kinene muno wira-ini ucio wa utungata. Nao aria metagwo magetika ,” Nogukorwo” ,no matungataga Ngai no matungataga niundu wa kiria mateng’eretie kia mwiri no ti kia muoyo.

Maciaro mao nitumoi. Acio matungataga mbeca no ti Ngai. Amwe nao metikaga ni guoya na nokuri meeitaga o ene. Acio nao to tukimoi?

Wee wetuo wira-ini waku witikaga atia? Wee wakorwo wititwo ta muciari witikaga atia hari uciari waku? Muciari uria witikaga ‘ii’, areraga twana twake wega, twitigirite Ngai na twina gitio. Uria witikaga “anga” ,ndari hindi angirera ciana ciake wega. Niaciitigagira onake mwene. Tondu ona ndungikurana nyina na mwana kana ithe na mwana. I niundu wa itio kwaga. Acio nio mageragia gutuika aciari.

Wee nawe wititwo ta muini wa nyimbo cia Ngai, witikaga atia? Uthiaga gikundi-ini kia aini niguo muinire Ngai kana niguo ugataithio ni aini aria muinaga nao, kana niguo magakuinira wakua? Amwe aitu twinyitithanagia na ikundi cia kanitha ati niguo tugataithio hindi ya thina kana niguo tugacirithie wira wa Ngai?

Ikundi cia kanitha ni iturehaga hakuhi na Ngai. Na nokio mundu o mundu nimwite niguo etukanire na gikundi kiria angiiganira, niguo gutungatira Ngai.  Ikundi ici ndiciroraga ta iburi. Iburi nirutugitagira kumana na mbura na riua. Uguo ni takuga ikundi ici cia kanaitha onacio niitugitagira kumana na maundu maingi guku thi. Niitutuga akristiano arumu, niiturehaga hakuhi na Ngai, ni itumaga tumenye Ngai makiria na maundu maingi ta macio.

No atiriri, iburi riri mwihumbiri uria mwega niuria wihumbirite na ndaroirirwo. Nitakuga, amwe aitu nituingiraga iburi-ini riri o tutikoirirwo mutwe. No mwiri uyu ungi niurirwo na mutwe ndukourirwo.  Acio niaria mathiaga ikundi ini niundu wa maundu macio nguheanite hau kabere. No ti tondu nimagiriirwo nigukorwo gikundi-ini. Na acio nio metwo cuhirira meeheragia ikundi-ini icio.

Acio niaria mehithaga kuu ikundi-ini na nio aria me uiru mururu. Na nio me mucene uria muhiu muno. Acio meyuga mbura niguo mataranagirio na aria angi.

Gikundi kiria ukoragwo thiini wa Kanitha wagitikire atia waigua wetwo? Aria metikire wega na gitio, nio mehumbirite iburi wega na matiuragirwo ona maguru. No aria metikire “ uga” maturaga metereire meruo no ti meke.

Angi nao metagwo makoiga aca. Acio nao niaria maregaga gwitika ona metuo. Ukona mundu ni muini na ndangitikira kuingira gikundi –in kia aini a kanitha. Wamuria oigaga ndari mugambo,nandukariganiruo arakwira ndari mugambo na mugambo wa kanua gake.kuga ati niari mugambo. Angi metitwo hari gutaithiriria mugambo wa Ngai, no moigaga rurigi rurutagwo kinya na rurigi ruria rungi. Uguo magakiuga mbeca nicio utheri wanjira ya kumurikira ngwikire uguo urenda. Haha ndinauga wetio mbeca cia waki wa kanitha kana uthii wa nambere wa kanitha ati wire muhunjia waku atungate hatari mbeca. Ndoiga ni noru ndinoiga ithinjwo.

Kiuria kinene niuria wee witikaga riria wetuo wiraini wa Ngai ona kana wira-ini uria urutaga. Nituheage mugambo wa uria ugutwita gitio kiria kiagiriire.