TURI A MUHIRIGA UMWE WA KRISTU-macharia wa Wen

Author-Macharia wa Wen.

Thiini wa micii itu nitukoragwo tunyitithanitio ni mihiriga. Uguo nita kuga andu a muhiriga umwe no tia nyina umwe kana ithe umwe, no ni amwe thiini wa mucii. Maithe maitu maturaga manyitithanitio ni ithaku, na nocio amwe aitu twitaga mihiriga.Thiini wa muhiriga ni gukoragwo na aria akuru, aria a gatagati-ini, mbeu njithi na ciana. Nimagiaga na giikaro rimwe  na rimwe kuringana na uria kubangitio, niguo kwaririria maundu ngurani megii uturo wao na uria mekwenda na magiriiruo ni gwika.

GWIIKA WEGA NI KUGA ATIA?-

Author- Macharia wa Wen

Gwiika wega ni gwiika giiko kiega kuri murunaguo, uri na itanya ria kumutaithia ona kana kumuruta uuru-ini. Kaingi na kaingi ni twikaga aruna aitu maundu meega muturire-ini, ti tondu ni arata aitu tu, no ni tondu nitwagiriiruo ni gwika guo.

Kaingi na kaingi niundu wa uumundu witu nitwendaga gwika wega o kuri aria twitainwo, ana kana arata aitu, no tukaga gwika guo kuri andu aria angi. Gitumi ni kii? Rimwe amwe aitu twendaga gwika wega niguo tugekiruo wega ona ithui. Wakorwo ni gutaithia mundu ari na thina twendaga o gutaithia nigetha ona ithui tugateithio hindi ya mathina maitu. Ucio ni uumundu witu.

NITUHOYAGA MAHOYA MAITU URIA KWAGIRIIRE?-Macharia wa Wen

Author -Macharia wa Wen

Mahoya ni njira imwe iria twaranagiria na Ngai, niundu wa maundu matatu maria ma bata makiria kuringana na woni wakwa. Nituhoyaga Ngai niguo tumukumie, tumugoce na tuhere mawihia maitu.

Ngai niagiriiruo ni gukuimio ni indo ciothe iria iri muhuro wa riua. Indo ciothe ciombirwo ni Ngai, na niundu ucio ciumbe ciothe niikumie Mwathani. Nitukumie Ngai witu na nyimbo na Thaburi, tukimucokagiria ngatho. Inyui nyoni ciariera-ini inirai Mwathani. Nyamu cithe iri muoyo cia mititu na cia maai-ini gocai Mwathani. Ona inyui mahiga gocai Mwathani. Riua, mweri na njata ona inyui gocai Mwathani.

MWITIO NI URIMU- Author Macharia wa Wen

Author-Macharia wa Wen

Mwarimu MN Martin e ruimbo atuinagira agatumenyia ati mwitio uria tukoragwo naguo urimu tukoragwo naguo. Njitikiria nyite Mwarimu Martin mbau thiini wa ruimbo ruu rwake. Athiga na mbere agatwira tiriri, ati maundu maingi maria turona guku thi moru, moimanaga na mwitio. Uguo niguo kuri. Thengiu Mwarimu o haria uri. Ngwiciria Mwarimu nikurora arorire akiona na ma ati, mwitio uria twinaguo niguo urathukia bururi witu, ugathukia micii itu, na oho ugathukia kanitha ciitu.

TUIRIGURIRE NGAI NJIRA CIITU- Author Macharia wa Wen

Author- Macharia wa Wen

Kuirigura njira ni gutema kana guthondeka njira haria hangigia na mweke wa kuhitukira. Uguo ni takuga hena rugiri na he bata wa gutemwo njira niguo hagie na hakuhitukira na nikuo kugerera. Thiini wa micii itu nitukoragwo tuthondekete njira cia kugerera tugithii mugunda ona kana hihi tugithii kwa aria turigainie. Tungiiriga njira icio ciothe, uguo nitakuga tutingihota kuma gwitu tuthii kwene ona kana tume nja ya gwitu.

WETWO WITIKAGA ATIA?

Author-Macharia wa Wen.

Riria mundu eetwo, etikaga ari ta ruri rwa gwathikira uria wamwita, kuga ati niategeire matu make uhoro uria ekuheo ni uria wamwita. Uu nitakuga ,nionanagia gitio ari na nyota ya uhoro uria ekuheo.

Mundu etagwo akienda kwiruo undu uria abatairio ni kumenyithio, kana akiurio kiuria.  Mwitanire na mwitikire ni maundu meri ngurani. Mwitani no etane na winyihia kuga ati mwitiki nake etikaga na winyihia. Oho mwitani no etane aguthukite, uguo naguo nitakuga mwitiki etikaga aguthukite. Ndirenda kuga uria witanaga uguo niguo witikagagwo.

NYENJE NYENJE GUKOMIO MANGARA - Macharia wa Wen

AUTHOR- MACHARIA WA WEN

Ndoiga twicuranie uhorowigii gatambi twitaga nyenje. Mwihoko wakwa ni ati gutiri mundu utoi nyenje. Nyenje ni gatambi kogi muno na kendaga guikara haria hena nduma haria gutari thuu yako ingikona na ihenya. Nyenje ni ihithaga mwatukaini handu thuu yayo itangihota kumihithukira niguo imiurage. Nyenje yetagirira turuge na turie na tukome.