INDO CIINE NA CIA TUHU TIGANA NACIO.-macharia
wa wen.
Ota mutugo ninyendaga
kugeria gugutariria muno makiria uhoro uria ndirenda twaranirie nawe niguo
utaukwo muno makiria.
Indo ciene ni nduu na
ni kii? Kuga indo kana kindu kiene ni kuga kindu kiu ti giaku no indi kiri na
mwene. Indo ciene itiri ndokeirwo nuu. Mugikuyu akiuga. Andu aria mendete indo
ciene gutiri hindi mahotaga gwetha ciao. O maikaraga hindi ciothe o
macuthiriirie ciene. Twakinya mawira ini ma migunda, acio maikaraga maikitie
moko mihuko makaga kuruta wira.
Mundu utendete
kwirutira wira wake, aikaraga acuthiriirie a muru wa nyina na a mwari wa nyina
niguo mamuteithie. Agakiriganirwo ati no muhaka we mwene eethere indo ciake
niguo ahote gwitaithia.
Muthuri umwe mwanake
njitikiria ndimwite uguo tondu ti mwanake na ti muthuri I tondu ndakiri agia na
andu a gwake mucii, aturaga ehokete nyina ati nowe ungimuhee kiria abatarite. Na nyina niakaraga akimwiraga,’mwana wakwa, I
tondu watura na nduri hindi uhotaga kwiikira maundu I, ingikua nguona nawe tari
o gukua ugakua. Ti gukugeka no ni tondu ninyonete wee gutiri hindi ungiikira
maundu utekirwo”. Geria kwibarabaria mwana wakwa. Riu niurakiona mwana uyu.
Ndinoiga ti mwana tondu ona guka na cucu witu ni cianacia mami na baba wao.
No atiriri, mwana uyu
wakinyia miaka mirongo itano na kinya thabuni wa kibandi no umuguriirei,
akamenya wee ti mwana ekwo atia? Reke twarie ma? Aturite e mwana niundu niamenyerire cia tuhu
na ciene. No no wega tondu niahoyagira a muru wa nyina magacire muno manoranore
nguo imarege nake egwatire nguo icio. No mundu uyu wamenyerire ciiene na cia
tuhu, ndari hindi angigia kindu giake kingitwo giake.
Aya niaria mathiiga
ona mairu igana niguo matikahuthire thendi iria menayo. Nonyende utuirie urore
wega kana niukuona ati, andu aria mendete ciene na cia tuhu ,nio andu aria
akari muno. Na anyitia muno. Kindu kiao kuheana ti uhuthu. Aya mendaga kinya
ributi cia tuhu. Ati mundu ahota guthii kiromita nyingi muno maguru o getha
ndakahuthire kiria ari nakio.
Maturaga mariire
matereba hii niguo maheo ributi. Indo
cine. Nima itiri ndokeiruo nuu.
Mutumia umwe
wemenyeretie ati wee ndari hindi angiriha ngari cia ukui wa muingi muthenya
umwe niathiaga mucemanio cukuru kuria ciana ciake cithomagira. Na arora thaa
nionaga ni gucu acererwo. No tondu hari wee kuruta mbeca arihe ngari nonga hihi
kurire mbura na ikorwo ni mbura ya mbembe ona kana hihi gutuke, ndendaga kuriha
ngari cia ukui wa muingi.
Agithiaga akiaragira
matereba a ngari cia mundu kiumbe ruhi. Ngari imwe niyagiukire na riria amionire,
akimiarira ruhi hakuhi akiraniirie bara ahingiririe ngari iyo ndikahituke.
Ndereba
niakirugamirie ngari niguo hihi gukimemnya nikii ngikikorwo gi kiuru na mutumia
uyu. Eiraga ati ringi nogukorwo mutumia uyu ari na mundu muruaru ona kana hihi
wee mwene.
Riria ngari
yarugamire, niyakuite ndereba na arume angi eri. Mutumia nioririe ndereba kana
no amuhe ributi kinya haria athiaga. Ndereba ndaregire. Riria mutumia uyu
akinyire haria athiaga, ngari yarugama na oima, umwe wa arume aya akimwita
akimwira atiri,” mama, ni thaa cia Ngai ciatuma tugukue.
Akihana tari kindu
ararutira mutumia ucio nake mutumia agigieterera. Mundurume uyu akiruta mucinga
akira mutumia ucio atiri,’ ithui turi aici. Na riu uguo twathii kuiya. Na riria
twathii kuiya, niguo tuhote kuiya, no muhaka gukue mundu.umwe witu kana umwe wa
aria twakora niguo tuhote kuiya kiria tubatarite”. Niundu ucio, tugwiciritie
gukuraga.
No thii na wega. No
mbere ya uthiite hari na kaundu nguenda gukwira. Indo cia tuhu tigana nacio.
Ributi cia tuhu tigana nacio.
Mutumia kuigua uguo
akiikira ati. Mucemanio uria athiaga akiremwo nikuuthii tondu wakumaka na ningi
tondu wa kuheha na ngununga kiria.
Nikwari na ndoco ya
muciari o wothe watira mucemanio niari arihe muigana wa ciringi ngiri imwe.
Rugendo rwa kuma kwa mutumia uyu kinya cukuru ini uyu wari wa thogora wa
ciringi mirongo iri. Kione,mutumia agite inya akinyirite inyanya, ariganiiruo
ate inya akinyirite inyanya egutigwo ona iria inya oima nacio.
Niari na ihinda iritu
muno tondu niarigagwo ekwira muthuriwe atia uhoro wigie ndoco ino, keri
niaranunga mathugumo na nimuhehu.
Akiruta kuma muthenya
ucio ati nima indo ciine na cia tuhu ititaithagia mundu. Na giki nokio gitumi
kinene kiratuma wone ati matuku maria turi andu aingi nimaracemania na iundu
itaramenyekana na kuria irakorwo ciumite.
Nituramukira mohoro
nyumba ini cia mohoro uria andu maragarurwo magatuika akuria nyeki ona kana
hihi gwika maundu me thoni o undu wigii indo ciene.
Mathina maya urona
mari na andu aingi bururi –ini,mamwe mamo maroimana na andu kwenda indo cia
tuhu na oho kwenda indo ciene. Mundu agakiaga gwetha indo ciake ati tondu aria
maciaraniiruo nao nimekumuhe. Nake
muthweri nikio oigaga mundu wa kwihoka indo cia aria maciaraniiruo nao akuaga ari
muthini. Nario ibuku ria Ngai no riaritie uhoro wa mundu uria wihokaga mundu
wathi uria akuaga Atari kindu.
Ngai niarathimaga
mundu uria wethaga kindu na kio na njira iria yagiriire. Murimi uria urutaga
wira wake atekwihoka andu ao kana arata ake, ndagaga magetha make. Nayo
ng’aragu gwake ndari hindi angimiona. Wimenyerie gwetha kindu giaku ona akaruo
ni kinini na wirute kuiganagira nakio. Kiu nikio Ngai witu akurathimiire. Na ti
kuga ona kiu kinene ndukagia. Maundu no kahora.
Ona aria wonaga mari
na indo nyingi, ni wira marutite na kio, kinya magakinya hau mari. Wee nawe
etha na kio nake Ngai niekurathima wira wa moko maku. No uririkane ati indo
ciiene itiri ndokeiruo nuu na cia tuhu iri goro.
--------------------------------------------------------------------------------------------------------------------
--------------------------------------------------------------------------------------------------------------------
No comments:
Post a Comment